أحلى وأسهل صينيه سردين بطريقه الست غاليه من مطبخى وبالصور مع

عملت لكم حاجه جديده لمحبى الاسماك

كانت الست غاليه عملت الاسبوع اللى فات صينيه سردين فى الفرن .وطلعت واو عملتها مع بعض اضافتى وطلعت تحففففه .قلت لازم تحكموا بنفسكوا
عشان تحكموا بنفسكوا هل انا تلميذة شاطرة ولا ايه ؟؟ههههه

المقادير

كليو سردين
بصل وطماطم وفلفل حلقات وتوم مدقوق
بهارات (ملح وفلفل وكمون )

الطريقه

بتجبيى السردين وتنطفيه زى اى سمك عادى وتغسيله كويس اووى واعصرى عليه نص ليمونه

جهزى الصينيه بتاعتك حطى شويه زيت وعليهمبعض شرايح البصل والطماطم والفلفل ورصى السردين المحشى بالتتبيليه بتاعتك 00توم مدقوق وكمون وملح وفلفل وطماطم صغيرة وفلفل قطع صغيرة وعصرة ليمون ونقطتين خل 00

وعلى الوش نفس الشرايح مع شويه توم من التتبيليه ولو عندك بصل اخر وبتحبيه قطعيه حلقات وضعيه

وده شكلها بعد الرص

أحلى وأسهل صينيه سردين بطريقه الست غاليه من مطبخى وبالصور مع اضافاتى

وحطى الصينيه على البوتاجاز واول ما تحسى انه دخل فى السوا رشى على الوش زيت واعصرى ليمونه

وبعدين دخليه الفرن يدوب دقايق وشغلى الشوايه ياخد وش ويطلع بالشكل ده

أحلى وأسهل صينيه سردين بطريقه الست غاليه من مطبخى وبالصور مع اضافاتى

وده طبق للفتوكات الحلوين جزء مقلى وجزء من الصينيه
وكانت ريحته وطعمه واوووووو

أحلى وأسهل صينيه سردين بطريقه الست غاليه من مطبخى وبالصور مع اضافاتى

وبشكركم وبشكر الست غاليه
ويارب يكون عجبكوا وطبعا يقدم مع رز ابيض او بنى وسلطة ومخلل