هام وشكرا

السلام عليكم ورحمة الله
صحيح السياحة مهمة لأى دولة وطبعا لمصر لانها مش بس بتأمن دخل قوى ومكانة , لكن عشان كمان هى وسيلة مهمة لتواصل الحضارات والتقاء العديد من الافكار والمشاعر في مكان واحد و وقت واحد لعقول مسترخية احتمال قبولها للاخر اكبر بكتير.

ممكن تمدوني برايكم و مقترحاتكم وتجاربكم الشخصية لتطوير السياحة في بلدنا

ارجو الاهتمام والرد من كل الاعضاء حيث انني بصدد بحث مهم ارجو ان يكون مفيد لنا جميعا
وشكرا لكم كثيرا

فعلا الله على الموضوع برغم انها اول مشاركة لكن بالف مشاركة واتمنى من جميع الاعضاء الرد على هذا الموضوع الهادف حتى لو برأى واحد وهبدأ انا
- ضرورة تنمية الوعى السياحى اولا لدى المواطن المصرى لان لا تنمية ولا تنشيط بدون وعى .

السلام عليكم ورحمة الله

شكرا كثيرا علي الرد الجميل والمشجع
اكيد التوعية الداخلية مهمة جدا ولكن في رأي حضرتك وجميع الاعضاء ايضا تفتكروا ايه الخطوات العملية المناسبة والفعالة للمواطن المصري؟

أهم حاجه في رايي التثقيف السياحي بضروره معامله الاجانب والسياح في بلدنا هذه بطريقه لطيفه ومحترمه وضروره تعلم الأبتسامة الصادقه في وجه ضيوفنا وكان من المفترض اقول لكي ايضا ان ننشر الوعي بتعلم اللغات الحيه ولكن هذه نقطه ليست اساسيه ولكنها مكمله لان لغه العيون والشفاه اقوي من اي لغه علي الارض
ولا انتي ايه رايك يا استاذة منمن؟؟؟؟؟؟؟؟؟؟؟؟؟
مع العلم اني مرشد سياحي ونفسي فعلا يحدث تثقيف سياحي للشعب المصري عشان ارتااااااااااااااااااااااااااح

السلام عليكم ورحمة الله

اشكرك جداً يا ا.محمد علي ايجابيتك و اهتمامك ,انا قرأت جزء من مشاركاتك السابقة والحقيقة انها كلها جيدة جداً
وانا مع حضرتك طبعاً في رأيك.وعايزة اسأل هي حملة<السياحة خير لينا كلنا > ملهاش اثر ولاايه؟
وياريت يا ا. محمد تكمل جميلك وبما انك< مرشد سياحي > في رأي حضرتك ايه هي اهم حاجات بتجذب السياح و اكثرها تنفيرا؟ وشكرا وفي انتظار رد حضرتك ود.ادهم وجميع الاعضاء

على فكرة يا اختى الغالية وعفوا انا الاول ماكنتش اعرف انك انثى معلش العتب على النظر وعموما دى مش القضية لكن القضية ان فعلا موضوعاتك هادفة جدا وردودك تثبت انكى حقا متخصصة لكن المشكلة ان الموضوع اللى حضرتك عاوزنى ارد عليه دة كبير جدا وفعلا انا عاوز اختصر مش عارف لانى انا فاكر انى ألقيت 12 محاضرة فى احدى الدورات التدربية فى الجامعة حول هذا الموضوع وهو دور المواطن المصرى فى تنشيط السياحة ولكن يمكننا ان نقسمها اولا الى جزئين او خطواتين :-
اولا : دور المواطن المصرى فى الحفاظ على السياحة وليس تنشيطها مبدئيا ويتلخص فى :
1 - كيفية استقبال السائح فى الشارع او فى اى مكان وكيفية التعامل معه .
2 - كيفية الحفاظ على تراثنا وعاداتنا ووتقاليدنا وديننا كان اسلاميا او مسيحيا لان من خبرتى فى التعامل مع الاجانب انهم يحترموا جدا من يحترم دينه وعاداتة وتقاليده على عكس ما يفهم بعض الشباب والمواطنين .
3 - كيفية الحفاظ على نطق اسماء الصحيحة لبلادنا فمثلا من اين اتت كلمة كايرو ولية مش القاهرة واقصد كمان بالقاف وليس الكاهرة بالكاف ولا يوجد حروف صعبة يمكن ان يتعلمها الاجانب بسهولة فمثلا عندنا فى الواحات وانا اشرح هذه المنطقة من 20 عام وانا الان 37 عام اى اكثر من نصف عمرى وانا انطق الاسماء الصحيحة واوضحها مثل واحة الخارجة اصبحت الكارجة بحجة ان حرف الخاء صعب على الاجانب طيب ياترى ميونخ فى المانيا هل اصبحت ميونك ؟؟؟؟؟؟؟؟؟؟؟
لاء طبعا لان الالمان يحافظون على اسماءهم جدا وعندما ذهب احد المعلقين الرياضيين الى اسبانيا فى دورة برشولونة وقال برشولونة حدثت كارثة وسرعان ما جاءوا ليعدلوها الى برسلونة او برثلونة بالثاء وعفوا ان كتبتها بالعربية خطأ لكن احببت التوضيح وطبعا اسماء كتيرة تغيرت عندنا زى الغردقة واسيوط واخيرا اقولها بكل صوتى أرجوكم حافظوا على اسماءنا مثل القران والمأذن وكل اسماء المدن والمحافظات مثلا الوادى الجديد اصبحت نيو فلى New Valley نعم ترجمتها نيو فلى لكن عندما انطقها اقول الوادى الجديد وفى الشرح اترجمها لكن اقول واكتب Elwady Elgadid
- وهناك العديد من البنود الاخرى .
ثانيا : دور المواطن المصرى فى تنشيط السياحة :-
زطبعا دى تختلف من منطقة لاخرى يعنى مثلا عندما كنت اعمل مديرا للسياحة لمحافظة الوادى الجديد وضعت خطة كاملة لتنشيط السياحة بهذه المنطقة وسوف اعرض منها اجزء مستقبلا انشاء الله وعندما قابلت السيد اللواء الوزير / عادل لبيب عندما كان محافظا لقنا وكنت انا مديرا للمجموعة الصحفية اللندانية تحدثنا عن كيفية تنشيط السياحة بهذه المنطقة وكان بنود التنشيط تختلف لاختلاف المنطقة وببساطة شديدة يا اختى العزيزة عندما اريد ان امدحك مثلا او الفت انتباه الاشخاص لكى لابد ان اذكر اجمل ما فيكى فمثلا اقول عيناكى ويكون هى بداية ونهاية الحديث لانها مثلا اجمل شيئ فيكى وبالمثل كانت اجمل ما فى قنا حصولها على شهادة الايزو العالمية وكنت اجمل ثانى مدينة على مستوى العالم بعد احدى المدن اليابانية فطبعا من هنا نبدأ ومن هنا ننتهى
وكفاية لحسن اضرب لانى رغيت كتير والناس زهقت والاستاذ محمد يكمل بقى ودة بسم الله ماشاء الله شاب ممتاز علميا وخلقا وشرف لنا انه مدير العلاقات العامة للجمعية بأسوان .

السلام عليكم ورحمة الله

انا فعلا سعيدة جدا جدا برد حضرتك وانتظرالباقي بفارغ الصبر, واقترح علي حضرتك انك تنشرهذه التجربة والخبرة الجميلة و المميزة كاملة في حلقات ليستفيد منها كل الاعضاء وارجوك بشدة الا تحرمنا منها وانا عن نفسي احتاج الي شهادة وخبرة حضرتك في البحث وارجو من حضرتك ان تعلمني بكيفية الحصول على اوراق محاضراتك ومواعيدها وان شاء الله هذا الجهد يثقل ميزان حسناتك وجزاك الله خيراً
وانتظر بالطبع ا.محمد وباقي الاعضاء